ટાઇગરની મોસ્ટ અવેટેડ આગામી એક્શન થ્રિલર ફિલ્મ હીટમેન (Hitman) નું શૂટિંગ રીતે પૂર્ણ થઈ ગયું છે. આ ફિલ્મની જાહેરાત થઈ ત્યારથી જ ફેન્સમાં ભારે ક્રેઝ જોવા મળી રહ્યો હતો, અને હવે શૂટિંગ રેપ-અપ (Wrap-up) થતાં જ ફેન્સ તેની રીલિઝ ડેટની આતુરતાથી રાહ જોઈ રહ્યા છે. ખાસ વાત એ છે કે, આ વખતે ફિલ્મની સ્ટારકાસ્ટ (Hitman Star Cast) અને વાર્તા પણ ખૂબ જ રસપ્રદ હોવાની ચર્ચા છે. આ ફિલ્મમાં હવે જાણીતી અભિનેત્રીઓ સંજના સાંઘી અને મહિમા મકવાણાની પણ એન્ટ્રી થઈ ચૂકી છે.

કન્નડ સુપરહિટ ફિલ્મની હિન્દી રીમેક છે ‘હીટમેન’

હીટમેન એ સુપરહિટ કન્નડ ફિલ્મ અવાને શ્રીમન્નારાયણ (Avane Srimannarayana) ની સત્તાવાર હિન્દી રીમેક છે. કન્નડ સિનેમામાં ધૂમ મચાવનાર ડાયરેક્ટર સચીન રવિ આ ફિલ્મ દ્વારા હિન્દી સિનેમામાં ડિરેક્ટર તરીકે ડેબ્યૂ કરવા જઈ રહ્યા છે. સાઉથની વાર્તા અને ટાઇગરની એક્શનનો આ સમન્વય બોક્સ ઓફિસ પર કંઈક નવો જ જાદુ સર્જશે તેમ મનાય રહ્યું છે.

માત્ર સોલો એક્શન નહીં, જોવા મળશે મલ્ટિસ્ટારરનો તડકો!

સામાન્ય રીતે ટાઇગર શ્રોફની ફિલ્મોમાં માત્ર તેમના પર જ વધુ ફોકસ હોય છે, પરંતુ ‘હીટમેન’ માં એવું નથી. આ ફિલ્મમાં ગ્લેમર અને એક્ટિંગનો જબરદસ્ત ડબલ ડોઝ જોવા મળવાનો છે. ફિલ્મમાં લીડ ફીમેલ એક્ટ્રેસ તરીકે સંજના સાંઘી(Sanjana Sanghi) અને મહિમા મકવાણા (Mahima Makwana) મુખ્ય ભૂમિકામાં નજર આવશે.

આ સિવાય, તાજેતરમાં ફિલ્મના સેટ પરથી શૂટિંગનો એક વીડિયો લીક થયો છે, જેમાં બોલિવૂડના અન્ના એટલે કે સુનીલ શેટ્ટી અને દમદાર અભિનેતા અમિત સઢ પણ જોવા મળ્યા છે. આ પીઢ અને યુવા કલાકારોની જુગલબંદીને કારણે આ એક્શન ફિલ્મ ખૂબ જ સંતુલિત અને મનોરંજક બનશે તેવી પૂરેપૂરી શક્યતા છે.

શું આ વર્ષે જ જોવા મળશે ટાઇગરનો નવો અવતાર?

શૂટિંગ પૂરું થતાં જ હવે ફિલ્મ પોસ્ટ-પ્રોડક્શન સ્ટેજમાં પ્રવેશી ચૂકી છે. ફિલ્મ જગતના અહેવાલો મુજબ, હીટમેન (Hitman) આ વર્ષે જ સિનેમાઘરોમાં રીલિઝ થાય તેવી પુરી શક્યતાઓ સેવાઈ રહી છે. જો કે, બોલિવૂડમાં અવારનવાર રીલિઝ ડેટ લંબાતી હોય છે, તેવામાં જોવાનું એ રહેશે કે ટાઇગરની આ એક્શન થ્રિલર ફિલ્મ હીટમેન(Tiger Shroff Hitman Movie) સમયસર પડદા પર આવે છે કે પછી ફેન્સે થોડી વધુ રાહ જોવી પડશે.