Jammu And Kashmir Cloudburst : જમ્મુ કાશ્મીરના રાજૌરી જિલ્લામાં મોડી રાત્રે થયેલા ભારે વરસાદના કારણે તબાહી મચી ગયી છે. સતત વરસેલા વરસાદને કારણે સ્થાનિક દરહાલી નદી, તેનું જળસ્તર ભયજનક સપાટીએ પહોંચી ગયું હતું. આ નદીનું પાણી બેલા કોલોનીમાં ઘૂસી જતાં સમગ્ર વિસ્તાર પાણીમાં ગરકાવ થઈ ગયો હતો. અને ત્યાં ફસાયેલા અસંખ્ય પરિવારો પોતાના ઘરોમાં કેદ થઈ ગયા હતા. બેલા બસ સ્ટેન્ડ અને પાર્કિંગ વિસ્તારમાં ઊભેલા ડઝનબંધ વાહનો પણ પૂરના ધસમસતા પ્રવાહમાં તણાઈ ગયા હતા.
કોટલી કલાબન અને ગોલીનારીમાં વાદળ ફાટ્યું
રાજૌરી જિલ્લાના માંજાકોટ તહસીલ હેઠળ આવતા કોટલી કલાબન અને ગોલીનારી વિસ્તારોમાં વાદળ ફાટવાની ઘટના સામે આવી છે. વાદળ ફાટ્યા બાદ આવેલા અચાનક પૂરથી સ્થાનિક કબ્રસ્તાન સંપૂર્ણપણે ધોવાઈને નજીકના વોંકળામાં વહી ગયું હતું, જેના લીધે અનેક કબરો નષ્ટ થઈ ગઈ છે. થન્ના મંડી સબ-ડિવિઝનના ચુરુંગ, રાજધાની અને બેહરોટ વિસ્તારો પણ વરસાદ અને પૂરના કારણે ગંભીર રીતે પ્રભાવિત થયા છે. એક ક્રશર યુનિટમાં કામ કરતા કેટલાક મજૂરો ફસાયા હોવાની માહિતી પણ સામે આવી છે.
#WATCH | Rajouri, J&K: Continous heavy rainfall triggerd flash floods in Rajouri district. Floodwaters from the Dharhali River inundated the New Bus Stand area at Bela, washing away several parked vehicles. The district administration has issued a high alert, urging residents to… pic.twitter.com/llrMvAGEZW
— ANI (@ANI) July 19, 2026
વૈષ્ણોદેવી યાત્રા સુરક્ષાના કારણોસર સ્થગિત
કટડા અને આસપાસના વિસ્તારોમાં પણ રાતભર મૂશળધાર વરસાદ ચાલુ રહેતાં અગમચેતીના ભાગરૂપે અને ખરાબ હવામાન તથા ભૂસ્ખલનના જોખમને ધ્યાનમાં રાખીને માતા વૈષ્ણોદેવીની યાત્રા સ્થગિત રાખવામાં આવી છે. ભારે વરસાદના કારણે વૈષ્ણોદેવીના બેટરી કાર માર્ગ પર અનેક સ્થળોએ મોટા પથ્થરો, ખડકો, કાદવ અને મલબો પડ્યો છે.
કટડામાં 15 હજાર યાત્રાળુઓ રોકાયા
બેટરી કાર અને હેલિકોપ્ટર સેવા પણ સુરક્ષાના ભાગરૂપે બંધ કરવામાં આવી છે. અને ઘોડા, પિઠ્ઠુ અને પાલખી સહિતની તમામ સેવાઓ પણ હાલ પૂરતી સ્થગિત કરી દેવામાં આવી છે. કટડા ખાતેના તમામ રજીસ્ટ્રેશન કાઉન્ટરો બંધ રાખવામાં આવ્યા છે લગભગ 15000થી વધુ યાત્રાળુઓ યાત્રા ફરી શરૂ થવાની રાહ જોઈને કટડામાં રોકાયા છે. ભૈરવ ઘાટી તરફ જતા માર્ગ પર પણ હળવું ભૂસ્ખલન થયું હોવાની જાણકારી મળી છે.
The situation in Rajouri demands immediate attention. Requesting the concerned departments to intensify rescue and relief efforts, ensure safe evacuation, and provide essential support to affected families. #Rajouri #flood #Jammu #Kashmir@HMOIndia @CM_JnK @peerashiq pic.twitter.com/byfOeNwIT0
— Pahadi Youth Association (@PAHADI_YOUTH) July 19, 2026
નેશનલ હાઇવે પર માટી અને પથ્થરો ધસી પડ્યા
ભારે વરસાદના કારણે જખિયાની અને ચેનાની વચ્ચે આવેલા નેશનલ હાઇવેની ‘અપ-ટ્યુબ’ (Up-Tube) પર અનેક સ્થળોએ માટી અને પથ્થરો ધસી પડવાની ઘટનાઓ બની છે. જેને NHAI દ્વારા સાફ કરવાનું કામ યુદ્ધના ધોરણે ચાલી રહ્યું છે. જખિયાની અને ચેનાની વચ્ચે નેશનલ હાઈવે પર પથ્થરો પડતા ટ્રાફિક ખોરવાયો છે. ડાઉન-ટ્યુબને પણ નુકસાન પહોંચતાં હાલ એક જ ટ્યુબ પરથી બંને તરફનો ટ્રાફિક પસાર કરવામાં આવી રહ્યો છે. તેના કારણે વાહનવ્યવહાર ધીમો પડ્યો છે અને મુસાફરોને મુશ્કેલીનો સામનો કરવો પડી રહ્યો છે.
રાહત અને બચાવ ટીમો તૈનાત
હવામાન વિભાગે (IMD) હજુ પણ અતિભારે વરસાદની ચેતવણી આપી છે. હાલ પ્રશાસન દ્વારા અસરગ્રસ્ત વિસ્તારોમાં રાહત અને બચાવ ટીમો મોકલવામાં આવી છે. નીચાણવાળા વિસ્તારોમાં રહેતા લોકોને નદી, નાળા અને ભૂસ્ખલનની શક્યતા ધરાવતા સ્થળોથી દૂર રહેવા સૂચના આપવામાં આવી છે. પ્રશાસને લોકોને સતર્ક રહેવા અને કોઈપણ કટોકટીની સ્થિતિમાં તાત્કાલિક સ્થાનિક કંટ્રોલ રૂમનો સંપર્ક કરવાની અપીલ કરી છે.
આ પણ વાંચો : લંકા પ્રીમિયર લીગ(LPL 2026) પહેલાં મનજોત કાલરાની ધરપકડ, ખેલાડીને લાંચ આપવાનો આરોપ
