દિગ્ગજ અભિનેતા નાના પાટેકરના અણધાર્યા નિધનથી ન માત્ર બોલીવુડ પરંતુ રાજનેતાઓ પણ શોકાતૂર થઈ ગયા છે. નાના સાથેના પોતાના કિસ્સા સોશિયલ મીડિયા પર શેર કરી નાના પાટેકરને ભાવભીની શ્રદ્ધાંજલિ આપી રહ્યા છે. પ્રધાનમંત્રી નરેન્દ્ર મોદીથી લઈને નાના પાટેકર પર આરોપ લગાવનાર તનુશ્રી દત્તા સુધી તમામ લોકો નાના પાટેકરને અંજલિ અર્પણ કરી રહ્યા છે. 75 વર્ષની ઉંમરે નાના પાટેકરે ગોવામાં અંતિમ શ્વાસ લીધા છે. આજે વહેલી સવારે નાના પાટેકરનું કાર્ડિયાક અરેસ્ટના કારણે નિધન થયુ છે.
અંતિમ સમયમાં નાના પાટેકર ગોવા સ્થિત ઘરે એકલા રહેતા હતા. રાતે 2.30 વાગ્યે નાના પાટેકરને તબિયત લથડતા મિત્રને મેસેજ કર્યો હતો. મિત્ર 4 વાગ્યા સુધીમાં ઘરે પહોંચ્યો અને નાનાને નજીક હોસ્પિટલમાં 4.30 વાગ્યા સુધીમાં પહોંચાડવામાં આવ્યા. એક કલાક સુધી ડૉક્ટર્સ દ્વારા CPR આપ્યા બાદ નાનાને 5 વાગ્યે 20 મિનિટે મૃત ઘોષિત કરવામાં આવ્યા. મહારાષ્ટ્રના રાજ્યમંત્રી આશિષ શેલારે કહ્યુ છે કે નાના પાટેકરને રાજકીય સન્માન સાથે અંતિમ વિદાય આપવામાં આવશે.
નાના પાટેકરને ભીડભાડ વચ્ચે રહેવુ પસંદ નહોતુ. તેઓ કેરટેકર હોવા છતાં તેને મેસેજ કરી ન આવવા માટે કહી દેતા હતા. નાના પાટેકર છેલ્લા કેટલાય સમયથી પત્નીથી અલગ રહેતા હતા છતાં તેમણે છૂટાછેડા નહોતા લીધા. નાના પાટેકરને ફિલ્મી જગતની લાઈમલાઈટ્સ પસંદ નહોતી. સાદુ ભોજન, સાદી રહેણી-કરણી, શાંત બેસીને પ્રકૃતિ સાથે સમય વિતાવવો તે નાના પાટેકરની મનપસંદ પ્રવૃત્તિઓમાં આવતુ હતુ. દિકરો મલ્હાર પુણેમાં પ્રોડક્શન હાઉસમાં વ્યસ્ત રહે છે. નાના પાટેકર કોઈના જીવનમાં દખલ કરવા નહોતા માંગતા,. દિકરાને નિધનના સમાચાર મળતા જ તુરંત જ ગોવા માટે રવાના થયા હતા.
માત્ર 28 વર્ષના નાના પાટેકરને પિતાને ખોઈ બેસવાનું ખૂબ દુ:ખ છે. પિતાનું પણ કાર્ડિયાક અરેસ્ટના કારણે નિધન થયુ હતુ. ત્યારબાદ તેમના ભાઈ અને બહેનોનું પણ નિધન થયુ હતુ. નાના પાટેકરના 2 વર્ષના પુત્રનું પણ નિધન થઈ ગયુ હતુ. સ્વજનોના જવાથી નાના પાટેકરને ખૂબ દુ:ખ થતુ હતુ. તેમનું માનવુ હતુ કે જ્યારે પોતાનું કોઈ નથી હોતુ ત્યારે આખી દુનિયા તમારી હોય છે અને આ જ કારણથી તેમણે ખેડૂતો માટે નામ ફાઉન્ડેશનની રચના કરી હતી.
નાના પાટેકરે પાંચ દશક જેટલા લાંબા સમયગાળા દરમિયાન ફિલ્મોમાં વિવિધ પ્રકારની ભૂમિકાઓ અદા કરી દર્શકોનું મનોરંજન કર્યુ છે. પોતાની સાદગીના કારણે લોકોના દિલ પણ જીતી લીધા છે અને ખેડૂતો માટે પણ કેટલાય કલ્યાણકારી કામો કર્યા છે. તો કારગિલ યુદ્ધમાં સેનાની મદદે પણ પહોંચ્યા હતા નાના પાટેકર. દિગ્ગજ કલાકાર એ પ્રકારની છબી ધરાવતા હતા કે આજે બોલીવુડ ગલિયારામાં વિચિત્ર સન્નાટો છવાઈ ગયો છે અને ફિલ્મજગત માનવા માટે તૈયાર નથી થતુ કે નાના પાટેકર હવે આપણી વચ્ચે નથી.
અક્ષય કુમાર અને સોનાલી બેન્દ્રે સોશિયલ મીડિયા પર પોસ્ટ કરીને દુ:ખ વ્યક્ત કર્યુ છે તો નજીકના મિત્ર ગણાતા અનુપમ ખેરે સોશિયલ મીડિયા પર ભાવુક થઈ નાના પાટેકરને સંબોધન કરતો વીડિયો પણ પોસ્ટ કર્યો છે. સની દેઓલે નાના પાટેકર સાથે પોતાની તસવીર ઈન્સ્ટાગ્રામ પર શેર કરી છે. સંજય દત્તે સોશિયલ મીડિયા પર પોસ્ટ કરી છે કે માનવામાં નથી આવી રહ્યુ કે નાના પાટેકરે દુનિયાને અલવિદા કહી દીધુ છે. તેમની સાથે વિતાવેલી દરેક ક્ષણ હવે મારા હ્રદયમાં કેદ થઈને રહી જશે. સુનિલ શેટ્ટીએ કહ્યુ કે ઉંચાઈ પર પહોંચી ગયા છતાં જમીન સાથે જોડાયેલા રહ્યા છે નાના, આપના વગર સિનેમા પહેલા જેવુ નહી રહે. આલિયા ભટ્ટ, કિયારા અડવાણીએ પણ સોશિયલ મીડિયા અકાઉન્ટ્સ પર નાનાની સ્ટોરી શેર કરી હતી. રોહિત શેટ્ટીએ કહ્યુ કે નાના તેમની ફિલ્મો માટે સૂચન પણ કરતા હતા, ગોલમાલ અગેનમાં કેમિયો કરવા બદલ તેમણે ફી પણ લીધી નહોતી.
નાના પાટેકર તેમના ફિલ્મી કરિયરના શરૂઆતના સમયમાં મુંબઈમાં અંધેરીમાં 1BHK માં માતા સાથે રહેતા હતા. માતાના નિધન બાદ તેઓ એકલા આ અપાર્ટમેન્ટમાં રહેતા હતા. સાધારણ ગણાતા આ અપાર્ટમેન્ટમાં કોઈ જ ઝાકમઝોળ નથી, પણ પુસ્તકો અને અવોર્ડ્સ રાખવામાં આવ્યા છે. શરૂઆતના સમયમાં નાનાએ આ ઘર 1,1 લાખમાં ખરીદ્યુ હતુ, જેની બજાર કિંમત આજે 3 કરોડ સુધીની આંકવામાં આવી રહી છે. પુણેમાં ખડકવાસલા ડેમ નજીક નાનાનું 27 એકરમાં ફેલાયેલુ આલીશાન ફાર્મહાઉસ આજે ચર્ચાનું કેન્દ્ર બની રહ્યુ છે. ફાર્મહાઉસમાં 7 રૂમ અને એક મોટો હોલ છે. જેને ટેરાકોટા અને રસ્ટિક અંદાજમાં સજાવવામાં આવેલુ છે. 27 એકરમાં નાના પાટેકર ખેડૂતો સાથે મળીને ઘઉં, ચણા અને દાળનું ઉત્પાદન કરે છે. આ ખેતપેદાશોથી જે રકમ મળે છે તેને શ્રમિકોમાં આપી દે છે. પુણેના લૉ કોલેજ વિસ્તારમાં પણ તેમનું એક મકાન છે. પુણેનો લૉ કોલેજ વિસ્તાર સૌથી શાંત વિસ્તારમાં ગણાય છે.
NANA PATEKAR THE GREATEST?💔💔A couple of hours ago, I received the heartbreaking news that my friend Nana Patekar, one of the finest actors and human beings in Indian cinema, is no more.🥹🥹🥹
— Anupam Kher (@AnupamPKher) October 8, 2026
I had just finished our performance and taken the curtain call. As I walked into the… pic.twitter.com/xCcVNgPLAG
Few actors possessed the intensity, individuality and unmistakable presence that Shri Nana Patekar Ji had. He brought remarkable versatility and creativity to every role and gave us characters that will be remembered for generations. He was also admired for his frank and…
— Narendra Modi (@narendramodi) October 8, 2026
નાના પાટેકરના એક માસ જૂના ઈન્ટરવ્યુમાં તેમણે કહ્યુ છે કે ઉટપટાંગ ફિલ્મો કરી રહ્યા છે, આવી રીતે પૈસા કમાણી કરીશુ, જો કાલે મરી જઉ તો જ આજે સારી રીતે જીવી શકીશ. નાના પાટેકરની આ વાત સોશિયલ મીડિયા પર ચર્ચાનો વિષય બની ગઈ છે. આ વાત સાંભળીને એવુ લાગી રહ્યુ છે કે નાનાને એક માસ અગાઉ જ પોતાના મૃત્યુનો આભાસ થઈ ચૂક્યો હતો.
