ચૂંટણીપંચે જણાવ્યુ છે કે જો તમારું નામ SIR ની ડ્રાફ્ટ મતદાર યાદીમાં નથી, તો તમે ફોર્મ-6 ભરીને નામ ફરીથી દાખલ કરાવી શકો છો. 10 વર્ષથી મતદાર છો, છતાં પણ તમારે ફોર્મ 6 ભરવુ પડશે. તેને ખોટુ શપથપત્ર માનવામાં આવશે નહી અને કોઈ કેસ પણ થશે નહી. આ નિર્ણય તેમના માટે મદદરૂપ થશે, જેમનુ નામ SIR દરમિયાન યાદીમાંથી કાઢી નાંખવામાં આવ્યુ છે. ફોર્મ-6 માં લખવુ પડે છે કે મારું નામ પહેલીવાર મતદાર યાદીમાં ઉમેરવામાં આવી રહ્યુ છે.
સ્પેશિયલ ઇન્ટેન્સિવ રિવિઝન દરમિયાન 2025-26માં બિહાર, દિલ્હી સહિત 30 રાજ્યોમાં ડ્રાફ્ટ રોલમાંથી 13 કરોડથી વધુ નામો કાઢી નાખવામાં આવ્યા. માત્ર દિલ્હીમાં જ 1.45 કરોડમાંથી 47 લાખ નામો કાઢી નાખવામાં આવ્યાં. કાનૂની ગૂંચવણને કારણે ફોર્મ-6 પર કલમ 31 હેઠળ લખેલું હોય છે- ખોટી માહિતી આપશો તો 1 વર્ષ સુધીની સજા થઈ શકે છે. લોકો વિચારી રહ્યા હતા- અમે તો જૂના મતદાર છીએ, પહેલીવારવાળા કોલમ પર ટિક કરીશું તો કેસ થઈ જશે. આ ભયને કારણે લાખો લોકો ફોર્મ ભરી રહ્યા ન હતા. ચૂંટણી પંચે જણાવ્યું કે આ ભય દૂર કરી દો, અમે તેને ખોટી ઘોષણા માનશું નહીં.
ચૂંટણી પંચે સ્વીકાર્યું કે ઘણા લોકોને ડર હતો કે ફોર્મ 6માં લખવું પડે છે કે “મારું નામ પહેલીવાર મતદાર યાદીમાં ઉમેરવામાં આવી રહ્યું છે.” આવી સ્થિતિમાં પહેલેથી નોંધાયેલા મતદારોને લાગતું હતું કે આ ખોટું સોગંદનામું હશે અને લોકપ્રતિનિધિત્વ અધિનિયમ, 1950ની કલમ 31 હેઠળ તેમના પર ખોટું નિવેદન આપવા બદલ કેસ થઈ શકે છે. આ જ કારણસર લોકો ફોર્મ 6 ભરવામાં અચકાતા હતા. ચૂંટણી પંચે SIR પ્રક્રિયા પૂર્ણ થઈ ચૂકેલા રાજ્યો માટે પણ ફોર્મ-6માં મોટો ફેરફાર કર્યો છે. ઓક્ટોબરમાં થયેલા આ ફેરફાર બાદ SIRમાં નામ કપાઈ ગયા પછી ફરીથી નામ ઉમેરાવવા માટે 2003ની મતદાર યાદીની માહિતી આપવાની જરૂર રહેશે નહીં. અરજદારે એ જણાવવાની જરૂર રહેશે નહીં કે તેનું, માતા-પિતા અથવા દાદા-દાદીનું નામ તે યાદીમાં હતું કે નહીં. ફોર્મ-6માંથી આ સંબંધિત વધારાનું ઘોષણાપત્ર હટાવી દેવામાં આવ્યું છે.
