બોલિવૂડની સુપરહિટ કોમેડી ફ્રેન્ચાઇઝી ગોલમાલ ફરી એકવાર દર્શકોને હસાવવા માટે તૈયાર થઈ રહી છે. બોલિવુડના ‘ખિલાડી’ અક્ષય કુમાર અને બ્લોકબસ્ટર ડિરેક્ટર રોહિત શેટ્ટી ફેન્સ માટે એક ધમાકેદાર સરપ્રાઈઝ લઈને આવ્યા છે. સુપરહિટ કોમેડી ફ્રેન્ચાઈઝી ‘ગોલમાલ’ ની આગામી ફિલ્મ ‘ગોલમાલ-5’ માં અક્ષય કુમારની એન્ટ્રી થઈ ગઈ છે. ટ્રેડ ન્યૂઝનું માનીએ તો, આ ફિલ્મમાં અક્ષય કુમાર કોઈ સીધા-સાદા રોલમાં નહીં પરંતુ મેઈન વિલનના રોલમાં જોવા મળશે.
‘બાલા’ જેવો પણ સાવ હટકે લૂક: અક્ષયનો ફૂલ ડોનગીરી અવતાર
હાઉસફૂલ ફિલ્મમાં અક્ષય કુમારનો ફેમસ ‘બાલા’ લૂક તો તમને યાદ જ હશે? આ ફિલ્મમાં તેનો લૂક કંઈક એવો જ પણ સાવ અલગ અને પાવરફુલ છે. પરંતુ આ વખતે અંદાજ થોડો અલગ હશે. બ્લેક ટી-શર્ટ, ચમકતું ટકલું, લૂંગી સ્ટાઇલ, બ્લેક ગોગલ્સ અને જ્વેલરી સાથે અક્ષયનો લૂક ફુલ ડોનગીરી વાઇબ આપી રહ્યો છે.રાઉડી અક્ષયનો આ નવો અવતાર થિયેટરોમાં ધૂમ મચાવવા માટે પૂરી રીતે તૈયાર છે.
તમિલનાડુના બાદશાહ બનશે અક્કી, અજય દેવગણની ગેંગ સાથે થશે ટક્કર
અહેવાલો મુજબ, ફિલ્મમાં અક્ષય કુમાર ‘તમિલનાડુના બાદશાહ’ ના રોલમાં સ્ક્રીન ગજવશે. ચર્ચા છે કે ફિલ્મમાં અક્ષય મેઇન વિલન રોલમાં જોવા મળી શકે છે. અક્ષય કુમાર અને અજય દેવગણ તેમજ અરશદ વારસીની આખી ગેંગ વચ્ચે એક જબરદસ્ત એક્શન-કોમેડી સિક્વન્સ પણ શૂટ થઈ ચૂકી છે. રોહિત શેટ્ટીની ફિલ્મ હોય એટલે એક્શન અને કોમેડીનો ડબલ ડોઝ મળવો નક્કી જ છે.
View this post on Instagram
અજય દેવગણ સામે અક્ષયનો કોમેડી-એક્શન ટક્કર
ગોલમાલની ઓળખ જ તેની પાગલપંતી, કન્ફ્યુઝન અને ધમાકેદાર કોમેડી છે. આ વખતે અજય દેવગણ, અરશદ વારસી, તુષાર કપૂર, શ્રેયસ તલપડે અને કુણાલ ખેમુની ગેંગ સામે અક્ષય કુમારનો એન્ટ્રી ટ્રેક ફિલ્મને નવો ટ્વિસ્ટ આપી શકે છે.
અહેવાલો અનુસાર, અક્ષય અને ગોલમાલ ગેંગ વચ્ચે એક એક્શન-કોમેડી સિક્વન્સ પણ શૂટ થઈ ગઈ છે. એટલે આ વખતે ફેન્સને હાસ્ય સાથે એક્શનનો પણ ડબલ ડોઝ મળી શકે છે.
શર્મન જોશીની પણ વાપસી
ફેન્સ માટે બીજી મોટી ખુશખબર એ છે કે શર્મન જોશીની પણ ગોલમાલ ફ્રેન્ચાઇઝીમાં વાપસી થઈ રહી છે. પહેલી ગોલમાલમાં શર્મન જોશીનો રોલ દર્શકોને ખૂબ ગમ્યો હતો. હવે તેમની વાપસીથી ઓરિજિનલ ગેંગની નૉસ્ટેલ્જિયા ફરી જીવંત થવાની છે.
ઊટી શેડ્યૂલ પૂરું, હવે મુંબઈ અને ગોવામાં શૂટિંગ
અહેવાલો મુજબ, ફિલ્મનું પહેલું શેડ્યૂલ ઊટીમાં શૂટ થઈ ચૂક્યું છે. ત્યારબાદ મુંબઈના સ્ટુડિયો અને અલગ-અલગ લોકેશન્સ પર શૂટિંગ આગળ વધી રહ્યું છે. ગોવા પણ ફિલ્મનો મહત્વનો હિસ્સો બનશે, કારણ કે ગોલમાલ અને ગોવાનો કનેક્શન દર્શકો માટે હંમેશા ખાસ રહ્યું છે.
સ્ટોરીમાં સુપરનેચરલ ટ્વિસ્ટ?
ફિલ્મની સ્ટોરીને લઈને પણ રસપ્રદ ચર્ચા ચાલી રહી છે. કહેવામાં આવી રહ્યું છે કે આ વખતે વાર્તા એક એવી બાળકીની આસપાસ ફરશે, જેની પાસે સુપરનેચરલ પાવર છે. એટલે આ વખતે ગોલમાલ 5માં કોમેડી, કન્ફ્યુઝન, એક્શન અને ફેન્ટસીનો મિક્સ મસાલો જોવા મળી શકે છે.
હિરોઇન કોણ હશે? હજુ સસ્પેન્સ
રોહિત શેટ્ટીની બોયઝ ગેંગ તો ફરી ધમાલ મચાવવા તૈયાર છે, પરંતુ ફિલ્મની એક્ટ્રેસ કોણ હશે તે અંગે હજુ સસ્પેન્સ છે. મેકર્સ તરફથી હજી સુધી ફીમેલ કાસ્ટને લઈને કોઈ સ્પષ્ટ જાહેરાત કરવામાં આવી નથી.
ફેન્સને મળશે ફુલ એન્ટરટેઇનમેન્ટ
અક્ષય કુમારની એન્ટ્રી, શર્મન જોશીની વાપસી અને રોહિત શેટ્ટીની કોમેડી યુનિવર્સ — આ ત્રણેય વસ્તુઓ ગોલમાલ 5ને વધુ મોટી અને વધુ મજેદાર બનાવી શકે છે. હવે જોવાનું રહેશે કે ખિલાડી કિંગનો આ ડોનગીરી લૂક ખરેખર ફિલ્મમાં કેટલો ધમાલ મચાવે છે.
