ગ્લોબલ પૉપ સ્ટાર રિહાના (Rihanna) ફરી એકવાર ભારતમાં ચર્ચાનો વિષય બની છે. તાજેતરમાં જ રિહાનાએ એક વીડિયો શેર કર્યો છે, જેમાં તેણે મુકેશ અંબાણી(Mukesh Ambani) પરિવાર તરફથી મળેલી એક અમૂલ્ય ભેટ ફ્લોન્ટ કરી છે.
રિપોર્ટ્સ મુજબ, અંબાણી પરિવાર તરફથી મળેલી કિંમતી ભેટની કિંમત આશરે ₹2.2 કરોડ છે. રિહાના જેવી ગ્લોબલ સેલિબ્રિટી માટે લક્ઝરી જ્વેલરી કોઈ નવી વાત નથી, પરંતુ આ બ્રેસલેટ ખાસ એટલા માટે છે કારણ કે તેનો કનેક્શન ભારતના સૌથી ચર્ચિત અંબાણી પરિવાર સાથે જોડાયો છે.
એન્ટિલિયામાં દેશી સ્વાગત અને ખાસ લંચ
રિહાનાએ એક કેઝ્યુઅલ વીડિયો દરમિયાન પોતાના આઉટફિટ અને જ્વેલરીની ઝલક આપી હતી. વીડિયોમાં રિહાનાએ ખુશી વ્યક્ત કરતા જણાવ્યું કે આ ભેટ અંબાણી પરિવાર તરફથી મળી હતી. અંબાણી પરિવાર તેમની ભવ્ય મહેમાનગતિ માટે આખી દુનિયામાં જાણીતો છે, અને રિહાનાને મળેલી આ ખાસ ભેટ તેનું જ એક ઉત્તમ ઉદાહરણ છે.
એન્ટિલિયામાં દેશી સ્વાગત અને ખાસ લંચ
રિહાના આ વર્ષે એપ્રિલ મહિનામાં પોતાની પ્રખ્યાત બ્યુટી બ્રાન્ડના કામકાજ માટે મુંબઈ આવી હતી. આ મુલાકાત દરમિયાન તેણે અંબાણી પરિવારના ભવ્ય નિવાસસ્થાન એન્ટિલિયા (Antilia) ની મુલાકાત લીધી હતી.
અંબાણી પરિવારે રિહાનાનું સ્વાગત બિલકુલ ‘દેશી અંદાજ’માં કર્યું હતું. ભારતની સંસ્કૃતિ અને પરંપરા મુજબ થયેલા આ સ્વાગતથી પૉપ સ્ટાર ખૂબ જ પ્રભાવિત થઈ હતી. આ ઉપરાંત, તેણે અંબાણી પરિવાર સાથે એક ખાસ લંચ પણ માણ્યું હતું. આ મુલાકાત દર્શાવે છે કે પ્રોફેશનલ સંબંધોની સાથે અંબાણી પરિવાર અને રિહાના વચ્ચે એક ખૂબ જ સારો અને પારિવારિક સંબંધ પણ બંધાઈ ગયો છે.
જામનગર પ્રી-વેડિંગની યાદો તાજી થઈ
રિહાનાનો ભારત સાથેનો આ નાતો માત્ર મુંબઈ પૂરતો સીમિત નથી. 2024 ની શરૂઆતમાં અનંત અંબાણી અને રાધિકા મર્ચન્ટના જામનગર પ્રી-વેડિંગ ફંક્શનમાં રિહાનાએ પોતાનું પહેલું ભારતીય પરફોર્મન્સ આપીને આખી દુનિયામાં હેડલાઇન્સ બનાવી હતી. જામનગરમાં તેના ડાન્સ, દેશી લૂક અને અંબાણી પરિવાર સાથેના ડાન્સિંગ વીડિયોએ લાખો ભારતીયોના દિલ જીતી લીધા હતા.
કેમ ખાસ છે ડાયમંડ ટેનિસ બ્રેસલેટ?
ડાયમંડ ટેનિસ બ્રેસલેટને ફેશન અને લક્ઝરી જ્વેલરીમાં ખૂબ ક્લાસિક માનવામાં આવે છે. તેની ડિઝાઇન સામાન્ય રીતે સિમ્પલ, એલેગન્ટ અને ટાઇમલેસ હોય છે. રિહાનાના હાથમાં દેખાયેલું આ બ્રેસલેટ પણ તેની ચમક અને રોયલ લુકને કારણે ખાસ ધ્યાન ખેંચી રહ્યું છે.
આ બ્રેસલેટ માત્ર એક મોંઘી જ્વેલરી નથી, પરંતુ ભારત પ્રવાસની એક યાદગાર નિશાની પણ બની ગયું છે. અંબાણી પરિવાર તરફથી મળેલી આ ભેટ રિહાનાના ભારતીય કનેક્શનને વધુ ખાસ બનાવે છે.
