India Women Hockey Team FIH Nations Cup 2026 Winner : ભારતીય મહિલા હોકી ટીમે ફરી એકવાર અજેય રહીને દેશનું ગૌરવ વધાર્યું. ભારતીય મહિલા હોકી ટીમ ન્યુઝિલેન્ડને હરાવીને ચાર વર્ષ બાદ FIH નેશનલ કપ ફાઇનલમાં ચેમ્પિયન(FIH Nations Cup 2026 Winner) બની છે. આ જીત સાથે, ભારતીય મહિલા ટીમે FIH હોકી પ્રો લીગ 2026-27 માટે પણ ક્વોલિફાય કર્યું.
FIH પ્રો લીગ માટે ક્વોલિફાય
ભારતીય મહિલા હોકી ટીમે ન્યૂઝીલેન્ડને હરાવી 4 વર્ષ બાદ FIH નેશનલ કપ ફાઈનલમાં ચેમ્પિયન બની. ફાઈનલમાં ટીમે યજમાન ન્યૂઝીલેન્ડને હરાવી ટાઈટલ ભારતના નામે કરી લીધું. નવનીત કૌર અને સુનેલિતા ટોપ્પોએ ગોલ કરીને ટીમને ભવ્ય જીત અપાવી. ભારતે પ્રથમ ક્વાર્ટરમાં સરસાઈ મેળવી લીધી હતી અને નવનીત કૌરે ચોથી અને ટોપ્પો એ 15મી મિનિટે ગોલ ફટકાર્યા હતા.
ભારતીય ટીમ અજેય રહીને ચેમ્પિયન બની
ભારતીય મહિલા હોકી ટીમે આ ટુર્નામેન્ટમાં અજેય રહીને ટાઈટલ જીતી લીધું છે. ભારતીય ટીમે સેમિ ફાઈનલમાં ચિલીને 6-0થી હરાવીને ફાઈનલમાં પ્રવેશ મેળવ્યો. ભારતે અમેરિકા સામે 3-2થી જીત મેળવીને ટુર્નામેન્ટનો પ્રારંભ કર્યો હતો. આ પછી ટીમે જાપાન, ઉરુગ્વેને હરાવીને સેમિ ફાઈનલમાં પ્રવેશ મેળવ્યો. સેમિ ફાઈનલ મેચમાં ટીમે ચિલી સામે 6-0થી વિજય મેળવતા ફાઈનલમાં પ્રવેશ મેળવ્યો.
ભારતીય મહિલા હોકી ટીમને PMની શુભેચ્છા
ભારતીય મહિલા હોકી ટીમે દેશને અપાવેલી ભવ્ય જીત પર વડાપ્રધાન મોદીએ ખુશી વ્યક્ત કરતા X પર પોસ્ટ શેર કરી, જેમાં તેઓએ FIH વિમેન્સ નેશન્સ કપમાં જીત હાંસલ કરવા બદલ ભારતીય મહિલા હોકી ટીમને અભિનંદન પાઠવ્યા અને કહ્યું, કે ટીમે સમગ્ર ટૂર્નામેન્ટ દરમિયાન અસાધારણ પ્રદર્શન કર્યું તે બદલ ટીમને ખૂબ ખૂબ અભિનંદન અને આશા વ્યક્ત કરી કે આ જીત અન્ય ઘણા લોકોને હોકી રમવા માટે પ્રેરિત કરશે.
Indian hockey players bring pride and joy!
Congratulations to the women’s team for emerging as winners in the FIH Hockey Women’s Nations Cup. The team played exceptionally well throughout the entire tournament. Best wishes to the team.
આ પણ વાંચોRishabh Pant 100 Sixes : ઋષભ પંતે 100 છગ્ગા ફટકારી રચ્યો ઈતિહાસ, ગિલક્રિસ્ટ-સ્ટોક્સ પણ રહી ગયા પાછળMay this win inspire several others to… pic.twitter.com/EdZcpyRV3L
— Narendra Modi (@narendramodi) June 21, 2026
FIH પ્રો લીગ 2024-25માં છેલ્લે રહેલી ભારતીય મહિલા હોકી ટીમે 2026-27 સીરિઝ માટે ક્વોલિફાય કરી લીધું છે. તે ટુર્નામેન્ટ 2028માં યોજાનારા એલએ ઓલિમ્પિક્સ માટે ક્વોલિફાયર પણ હશે. તે દ્રષ્ટિએ આ જીત ટીમ ઈન્ડિયા માટે ઘણી મહત્વની છે.
