Harsh Sanghvi Glasgow Yoga : સ્કોટલેન્ડના ગ્લાસગોમાં યોજાઈ રહેલી કોમનવેલ્થ ગેમ્સ દરમિયાન હર્ષ સંઘવીએ પોતાના દિવસની શરૂઆત એક વિશેષ યોગ સત્રથી કરી હતી. કાર્યક્રમની ખાસ વાત એ રહી કે હર્ષ સંઘ સંઘવીએ કોઈ વિશેષ પ્રોટોકોલ વિના સામાન્ય નાગરિકો વચ્ચે બેસીને યોગાસન અને પ્રાણાયામમાં સહભાગી બન્યા. આ કાર્યક્રમમાં સ્થાનિક સ્કોટિશ નાગરિકો ઉપરાંત ગ્લાસગોમાં વસતા ભારતીય સમુદાયના લોકોએ પણ ઉત્સાહથી ભાગ લીધો હતો.
‘યોગ ભારતની વિશ્વને મળેલી અમૂલ્ય ભેટ’
આ પ્રસંગે નાયબ મુખ્યમંત્રી હર્ષ સંઘવીએ જણાવ્યું કે,
યોગ ભારત તરફથી સમગ્ર વિશ્વને મળેલી અનોખી અને અમૂલ્ય ભેટ છે. યોગ માત્ર શરીરને સ્વસ્થ રાખવાનું સાધન નથી, પરંતુ માનસિક શાંતિ, આત્મવિશ્વાસ અને જીવનમાં સંતુલન જાળવવાનો શ્રેષ્ઠ માર્ગ પણ છે.
તેમને વધુમાં કહ્યું કે, વડાપ્રધાન નરેન્દ્ર મોદીના પ્રયાસોથી યોગને વૈશ્વિક સ્તરે નવી ઓળખ મળી છે. આજે અનેક દેશોમાં લોકો યોગને પોતાના રોજિંદા જીવન અને ફિટનેસ રૂટિનનો ભાગ બનાવી રહ્યા છે.
સ્થાનિક સ્કોટિશ નાગરિકો અને ભારતીય પરિવારો જોડાયા
ગ્લાસગોમાં આયોજિત યોગ સત્રમાં અલગ-અલગ વયના લોકોએ ભાગ લીધો હતો. હર્ષ સંઘવીએ સૌની સાથે મળીને વિવિધ યોગાસનો કર્યા અને પ્રાણાયામ દ્વારા સ્વસ્થ જીવનશૈલીનો સંદેશ આપ્યો.
આ પણ વાંચો : વરસાદે બગાડ્યું રસોડાનું બજેટ, શાકભાજીના ભાવમાં 20થી 25%નો વધારો
